जन्मशताब्दी
प्रतिष्ठान विषयी
विश्वस्त मंडळ
पुरस्कार
उपक्रम
सह्कार्य
स्पर्धा
साहित्यभूषण परीक्षा
पाथेय त्रैमासिक
प्रतिष्ठान विषयी

कवीश्रेष्ठ कुसुमाग्रज ह्यांना ज्ञानपीठ पुरस्काराने सन्मानित केल्यानंतर कुसुमाग्रजांना अभिप्रेत असलेले सामाजिक सांस्कृतिक प्रकल्प उभे करणे, अशा प्रकल्पांना प्रोत्साहन देणे ह्या प्रेरणेतून २६ मार्च १९९० रोजी कुसुमाग्रज प्रतिष्ठानची स्थापना नाशिक येथे झाली. तेव्हापासून कुसुमाग्रजांनी मांडलेल्या उद्दिष्टांच्या पूर्तीसाठी प्रतिष्ठान कार्य करीत आहे.
kusumagraj

कुसुमाग्रजांना सामाजिक, आर्थिक व तंत्रज्ञानाच्या प्रगतीपासून वंचित असलेले गरीब व असहाय्य लोकांबद्दल दया व आदिवासींबद्दल कळवळा होता. त्यांच्या कार्याचा स्त्रोत म्हणजे सुबत्तेकडून गरजूंकडे जाणारा मदतीचा स्त्रोत असे म्हणता येईल. त्यांच्या ह्या आकांक्षांना पूर्ण करण्यासाठीच कुसुमाग्रज प्रतिष्ठान स्थापन झाले. मा. कुसुमाग्रज ह्यांच्या प्रेरणेने स्थापन झालेल्या आणि क्षणोक्षणी त्यांचे मार्गदर्शन लाभणार्‍या प्रतिष्ठानने चांगलेच मार्गक्रमण केले आहे.

प्रतिष्ठानची प्रमुख उद्दिष्टे -

१.
सामाजिक स्तरावरील सर्व भेद ओलांडून समाजजीवनाचा सांस्कृतिक स्तर उंचावण्यासाठी साहित्य, विज्ञान, शिक्षण, क्रीडा कला आदि क्षेत्रातील सामाजिक कार्यास प्रोत्साहन देणे.
२.
कुसुमाग्रज यांनी वेळोवेळी आपल्या साहित्यातून आणि आचरणातून मांडलेल्या ध्येय धोरणांचा पुरस्कार करणे त्यांच्या साहित्याचा प्रसार सर्व माध्यामांतून करणे.

प्रतिष्ठानची स्विकृत कार्ये

१.
जनस्थान पुरस्कार - 'ज्ञानपीठाच्या' धर्तीवर केवळ मराठीतील तपस्वी साहित्यिकांसाठी एक लाख रुपयांचा 'जनस्थान पुरस्कार' एक वर्षाआड, २७ फेब्रुवारी रोजी समारंभपूर्वक देणे.
२.
गोदावरी गौरव - साहित्येतर क्षेत्रांसाठी (ज्ञान-विज्ञान, क्रीडा-साहस, चित्र-शिल्प, नृत्य-संगीत, जनसेवा, नाटयचित्र) समारंभपूर्वक १० मार्च रोजी हा गौरव एक वर्षाआड अखिल भारतीय स्तरावरील त्या त्या सुयोग्य व्यक्ती निवडून त्यांना रू. ११ हजार प्रत्येकी व मानचिन्ह अर्पण करणे.
३.
आदिवासी भागात वैद्यकीय, शैक्षणिक, सांस्कृतिक असे विकासात्मक कार्य करणे.
४.
नाशिक शहरात संदर्भ ग्रंथालय चालविणे.
५. नाशिक परिक्षेत्रात साखळी बाल-वाचनालये चालविणे.
६. तसेच वि. वा. शिरवाडकर निबंध स्पर्धा आयोजित करणे आणि पाथेय त्रैमासिक नियमित प्रसिध्द करणे.
७.
वरील कार्यंपूर्तीच्या संदर्भात सभा-संमेलने, शिबीर, परिसंवाद, कार्यशाळा, शिक्षणवर्ग आयोजित करणे. तसेच हे कार्य करणार्‍या संस्थांच्या संपर्कात राहणे.
८.
क्रीडेला प्रोत्साहन देण्यासाठी आदिवासी भागात विविध क्रीडा स्पर्धा आयोजित करणे.
९.
ग्रामीण व आदिवासी विभागांसाठी शासनाने निश्चित केलेल्या योजना फलदायी होण्यासाठी प्रयत्न्न करणे.
१०. वरील कार्यासाठी कोणतीही भौगोलिक वा प्रादेशिक सीमा संस्थेला अभिप्रेत नाही.

Copyright 2010, Kusumagraj Pratishthan, Nashik. All Rights Reserved.
Site Designed & Maintained By Cyberedge Web Solutions Pvt. Ltd.